Гъубдж, Iоныгъом и 11 2018 14:36

КIэнэтI Джансэт щэрыон зэнэкъокъумкIэ атекIуагъ

БэмышIэу Кыргызстан щыкIуагъ кощырыпсэухэм (кочевникхэм) яящэнэрэ Дунэе джэгунхэр. Къэралыгъо 79-мэ къарыкIыгъэ спортсмен минрэ ныкъорэм ехъу ахэм ахэлэжьагъ. Тхьамэфэ псаум ахэр зэнэкъокъугъэх.

Кинотехыным амалэу иIэ хъугъэхэр къызфагъэфедэхэзэ, Дунэе джэгунхэм якъызэIухын мэфэкI шъыпкъэ ашIыгъагъ. ЦIыфхэм такъикъ заулэм къыкIоцI арагъэлъэгъугъ дунаим къызытехъуагъэхэм къыщыублагъэу кощырыпсэухэм щыIакIэу яIагъэр, гъогоу къакIугъэр. Ахэм заоу зэпачыгъэхэм, ятекIоныгъэхэм, театрализованнэ шоу хьалэмэтым ащ еплъыхэрэми хэлэжьэнхэ амал яIагъ.

МэфэкI шIыкIэм тетэу къызэIуахыгъэ Дунэе джэгунхэр спортсменхэм япарад лъигъэкIотагъ. Ахэм ахэтыгъэх спорт лъэпкъ зэфэшъхьафхэмкIэ дунаим ичемпионхэр. Тхьамафэм къыкIоцI ахэр этно-зэнэкъокъу 37-мэ ахэлэжьагъэх, анахь лъэшхэр къэнэфагъэх, медаль 600 фэдиз афагъэшъошагъ.

Мы Дунэе джэгунхэм ахэлэжьагъ Тыркуем къикIыгъэ адыгэ пшъэшъэжъыеу КIэнэтI Джансэт. Къалэу Къайсэри дэт шы спорт клубым Джансэт зыщегъасэ, ары зызыщигъэхьазырыгъэри. Тренерэу иIэр ятэу КIэнэтI Сами.

Дунэе джэгунхэм ялъэхъан Джансэт шым тесэу щабзэмкIэ щэрыон спорт лъэпкъымкIэ янэкъокъугъ ыкIи пстэуми атекIуагъ, апэрэ чIыпIэр къыдихыгъ.

Къызхэтхыгъэр: facebook.com (Адыгэ Макъ)

janset2

 

janset3

 

Еджагъэх 121 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.