Версия для печати
Мэфэку, Бэдзэогъум и 26 2018 06:43

Адыгэ Республикэм и ЛIышъхьэ Урысые Федерацием и Къэралыгъо Совет и Президиум хагъэхьагъ

Урысые Федерацием и Президентэу Владимир Путиным Урысые Федерацием и Къэралыгъо Совет и Президиум зэхъокIыныгъэхэр фишIыгъэх. Урысые Федерацием и Президент иунашъо диштэу Адыгэ Республикэм и ЛIышъхьэу КъумпIыл Мурати, хэгъэгум ишъолъыриблымэ япащэхэри ащ хагъэхьагъэх.

Урысые Федерацием и Къэралыгъо Совет и Президиум хагъэхьагъэх Адыгеим и ЛIышъхьэ, Дагъыстан, Бурятием ялIышъхьэхэр, Калининградскэ, Челябинскэ, Тульскэ, Сахалин хэкухэм, Перьмскэ краим ягубернаторхэр.

Урысые Федерацием и Къэралыгъо Совет ипшъэрылъ шъхьаIэр Урысые Федерацием и Президент къэралыгъо хабзэм икъулыкъухэм зэдиштэу Iоф ашIэнымкIэ ипшъэрылъ язехьанкIэ IэпыIэгъу егъэгъотыгъэныр ары. Урысые Федерацием и Президент ары Къэралыгъо Советым и Тхьаматэр. Къэралыгъом ипащэ Къэралыгъо Советым и Президиумэу псынкIэу Iофыгъохэр зэшIохыгъэнхэм фытегъэпсыхьагъэм хэтхэм игъорыгъозэ зэхъокIыныгъэ афешIы.

Адыгэ Республикэм и ЛIышъхьэ ипресс-къулыкъу

Къызхэтхыгъэр: adygheya.ru

 

Еджагъэх 193 фэдизэрэ