Блыпэ, Мэкъуогъум и 25 2018 16:06

Мардж-Султан остыгъэр псэр телефонхэр джырэблагъэ щыIэщтых

Мы аужьырэ тхьэмафэм Сирием ит Адыгэ къуаджэу Мардж-Султан игъэкIотыгъэу хьыкумэт гъэIоршIапIэхэр щэлажьэх. Ахэм къуаджэм остыгъэр, псэр нагъэсыжьынэу дэлажьэх. Телефон зэпхынгъэхэри къуаджэм щылэжьэнхэу джырэблагъэ ашIыжьыщтых. Джащ фэдэу фасебукум къыщатхы.

Шъугу къэтэгъэкIыжьы, мэкъуогъум и 20-м, Сирие Республикэм мэкъу-мэщымкIэ иминистрэу Ахьмад Алкъадри Мардж-Султан къэкIогъагъ. Ар цIыфхэм адэгущыIэгъагъ щыкIагъэу яIэхэмкIэ.

Сирие зао къемыжьэзэ, Мардж-Султан адыгэ 3500-рэ фэдиз щыпсэущтгъэх. 2014-рэ илъэсым Сирие хьыкумэтым пэуцожьыхэрэм къуаджэр защтэм, ащ дэсыгъэ пстэури дэкIыжьыгъагъэх. Ахэм анахьыбэр Дамаск дэтIысхьагъэх, адрэхэр нэмыкI хэгъэгухэм кIощыгъэх. Адыгэ хэкуми къэзыгъэзэжьыгъэхэр ахэтых.

Непэ, къуаджэр Сирие хьыкумэтым ыIыгъ ыкIи цIыфхэм къуаджэм агъэзэжьынэу фитых. Сирием щыIэ Адыгэ шIушIэ хасэ гупчъэри лъэкIэу иIэмкIэ къуаджэм щыщхэм адэIэпыIэ.

 

marj225062018

 

marj325062018

 

marj425062018

 

marj525062018

 

Еджагъэх 312 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.