Блыпэ, Мэлылъфэгъум и 16 2018 18:23

Адыгэ къашъом фэгъэхьыгъэ тхылъ Налщыч къыщыдагъэкIыгъ

Налщыч, мэлылъфэгъум и 16

Адыгэ къашъом фэгъэхьыгъэ тхылъыр илъэсыбэ IофшIагъэхэм къакIэлъыкIуагъ. КъБР-м къашъомкIэ икъэралыгъо академическэ ансамблэу "Кабардинкэм" ипащэу Атэбый Игорь ар ытхыгъ. Котляровхэу Мариерэ Викторрэ ятхылътедзапIэу Налщыч дэтым къыщыдагъэкIыгъ.

- Къашъор сищыlэныгъэ, силъэпкъ икультурэ яIахь, - етхы тхылъым изэхэгъэуцуакIо. - Къашъом гухахъо хэсэгъуатэ, идэхагъэ уеумэхъы, тарихъым ымакъ, неущырэм игугъапI. Къашъор сиIофшIэн къодыеп, сищыlэныгъ, ащкIэ сидунэе тетыкIэ къэсэгъэлъагъо.

Адыгэ лъэпкъым икъашъохэр тхылъым къыщыIотагъэх. "Къафэ", "Удж хэщ", "Хы ШIуцIэ Iушъо адыгэхэм якъашъу", "Иорданием щыIэ къэбэртаехэм якъашъу", нэмыкIхэри.

Тхылъыр урысыбзэкIэ ыкIи инджылызыбзэкIэ тхыгъэ, къашъоу зикъэбар къэIотагъэхэр сурэтхэмкIэ гъэкIэрэкIагъэх.

Къэзытхырэр: http://kbrria.ru

 

Еджагъэх 150 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.