Тхьаумаф, Мэлылъфэгъум и 15 2018 16:45

ЗекIом имузей Кавказ заповедникым щагъэхьазыры

Мыекъуапэ, мэлылъфэгъум и 15

ЗекIом имузей Кавказ заповедникым къыщызэIуахынэу агъэхьазыры ыкIи ащ цIыфхэр хагъэлэжьэщтых.

Кавказ заповедникым идэхьапIэу "Лэгъо-Накъэ" зыфиIорэм дэжь къэгъэлъэгъопIэ чIыпIэр зыщагъэпсыщтыр. I930 илъэсхэм ащегъэжьагъэу джырэ лъэхъан нэс Кавказ заповедникым зекIоным хэхъоныгъэ зэрэщишIыгъэм къэгъэлъэгъоныр фэгъэхьыгъэщт. Къушъхьэм хахьэхэрэм аIыгъыщтыгъэ псэуалъэхэр, зыдаштэщтыгъэ пкъыгъохэр ащ хэхьащтых. ЗекIохэм агу ихъыкIыщтыгъэхэр, яеплъыкIэхэр, ныбджэгъуныгъэр сурэтхэмкIэ къаIотэщтых.

Советскэ союзым щызэлъашIэщтыгъэ къушъхьэ гъогоу "30" заджэщтыгъэхэм анахьэу анаIэ тырагъэтыщт. Мыр лъапсэ зыфэхъугъэ лъэс лъагъохэр Фыщт зэпырэкIыхэшъ Хы ШIуцIэ Iушъом джы екIуалIэх.

I930 илъэсхэм ащегъэжьагъэу агъэфедэщтыгъэ, аIыгъыщтыгъэ, зыдаштэщтыгъэ зекIо псэуалъэхэр къафахьынхэу заповедникым иIофышIэхэм цIыфхэм зафагъазэ. Шъхьадж ыцIэрэ ылъэкъуацIэрэ кIэтхагъэхэу заповедник музеим ахэр къыщагъэлъэгъощтых.

Заповедникым имузей игъэпсын хэлэжьэнэу фаехэм апае телефон номер: 8 988 288 45 74

Къэзытхырэр: http://kgpbz.ru

 

Еджагъэх 40 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.