Шэмбэт, Мэлылъфэгъум и 14 2018 19:29

Ижъырэ орэдхэр ыкIи пщыналъэхэр хьакIэщым къыщаIуагъэх

Мыекъуапэ, мэлылъфэгъум и 14

ИскусствэхэмкIэ Адыгэ Республикэм икIэлэцIыкIу еджапIэу Лъэцэрыкъо Кимэ ыцIэ зыхьырэм IорыIуатэмкIэ икъутамэ 2010 илъэсым щегъэжьагъэу мэлажьэ. Мыщ кIэлэцIыкIухэмэ ижъырэ лъэпкъ культурэр щарагъашIэ - нарт пщыналъэхэр, орэдыжъхэр, шыкIэпщынэ, къамыл, пщынэ къегъэIуакIэ.

IорыIуатэм икъутамэ щеджэхэрэм илъэс къэс хьакIэщ зэхащэ ыкIи арагъэшIагъэр къагъэлъагъо. Мыекъуапэ иеджэпIэ зэфэшъхьафхэм ачIэс кIэлэцIыкIухэм мыщ зыщагъасэ. Купэу "Тыжъын" IорыIуатэмкIэ къутамэм епхыгъэу зэхащагъ ыкIи ГъукIэ Замудин ахэр егъасэх. ШыкIэпщынэм къеох, ижъырэ орэдхэр къакIох. IэкIыб хэгъэгухэм къарыкIыжьыгъэ адыгэ унагъохэм ясабыйхэри ащ хэтых.

IорыIуатэмкIэ къутамэм щеджэхэрэм хьакIэщым "Мэкъоо орэд", "Пэтэрэз иорэд", "Шэбатныкъо иорэд", "Хьатх КъокIасэ иорэд", нэмыкIхэри къыщаIуагъэх, шыкIэпщынэм пщыналъэхэр къырагъэIуагъэх, къэшъуагъэх.

 

ady2

 

ady3

 

ady4

 

aady5

Еджагъэх 86 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.