Бэрэскэжъый, Мэлылъфэгъум и 11 2018 14:02

Дубай экономикэ форумэу щыкIорэм Адыгэ Республикэм илIыкIохэр хэлажьэх

Мыекъуапэ, мэлылъфэгъум и 11

Адыгеим икIыгъэ купыр Дубай экономикэмкIэ форумэу щыкIорэм хэлажьэ. ЛIышъхьэу КъумпIыл Мурат пшъэрылъэу афишIыгъэмкIэ республикэм къыщашIырэ гъомылапхъэхэр ащ ащэнхэм тегущыIэщтых.

Форумыр мэлылъфэгъум и 11 зэфашIыжьыщт, республикэм илIыкIо купэу ащ щыIэм ипащэр экономикэ хэхъоныгъэмкIэ ыкIи сатыумкIэ министрэу Олег Топоровыр ары.

Компаниеу Alfalaj for Natural Products DQC-LLCиз ипащэу Ибрагим Рамел зэдэгущыIэгъухэр дашIыщтых. Дубай щыIэ хъызмэтшIапIэм илIыкIо къутамэ республикэм щыгъэпсыгъэным игугъу ашIыщт. Араб Эмиратхэм адыгэ къуаер щащэным мы компаниер дэлэжьэнэу агъэнафэ. Мы хэгъэгум къуаер зэрэнагъэсыщт шIыкIэр гъэнэфэгъэныр анахь упчIэ шъхьаIэхэм ащыщ.

Араб Эмиратхэм адыгэ къуаер мыгъэ щащэнэу зэрэрагъэжьэщтыр Шъачэ форумым КъумпIыл Мурат къыщиIогъагъ. Джащ тетэу къуаер зыдащэрэ хэгъэгухэм ахэхъощт. Республикэ лIышъхьэм иеплъыкIэкIэ, IэкIыб бэдзэрхэм адыгэ къуаер ащынэкъокъон ылъэкIыщт. 20I2 илъэсым щегъэжьагъэу ар Германием щащэ, гъэрекIо тонн 26,5 ащагъ. Адыгэ къое тонни I00 мыгъэ Германием ащэнэу зэзэгъыныгъэ адашIыгъах.

Къэзытхырэр: http://sovetskaya-adygeya.ru

Еджагъэх 184 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.