Бэрэскэшху, Мэлылъфэгъум и 06 2018 19:05

Москва: Къуаем ифестиваль Адыгэ Республикэм икъоешIхэр кIощтых

Мыекъуапэ, мэлылъфэгъум и 6

Мэлылъфэгъум и 14 - 15 Москва ВДНХ къуаем ия VIII фестиваль щызэхащэщт. IэшIагъэхэм япаркэу ащ иIэм къое зэфэшъхьафхэр къыращэлIэщтых ыкIи фаехэм ахэм ядэгъугъэрэ яIэшIугъэрэ ауплъэкIущт.

Урысыем изакъоп IэкIыб хэгъэгухэми къуаехэр къаращыщтых. Джащ фэдэу фестиваль мафэхэм Москва ыкIи Московскэ хэкум, Санкт-Петербург ыкIи Ленинградскэ хэкум, Алтай, Владимирскэ хэкум, Кострома, Ростов-на-Дону, Смоленскэ хэкум, Суздаль, Тула ащыщ куп 20 къэкIощтых. Адыгэ Республикэм икъоешIхэри ащ хэлэжьэщтых. Ащи изакъоп Аргентинэм, Армением, Индием, Марокко, Тунис, Уругвай, Швейцарием ялIыкIохэри фестивалым щыIэщтых.

Ежь къуаехэм язакъоп, ащ хэшIыкIыгъэ шхыныгъохэри мыщ къакIохэрэм щауплъэкIунхэ алъэкIыщтэу зэхэщакIохэм аIо.

Дунаим бэшIагъэу щызэлъашIэрэ къое лъэпкъхэм ягъусэу адыгэ къое зэфэшъхьафхэри фестивалым къекIолIэщтыхэм ауплъэкIун ыкIи ащэфын алъэкIыщт.

Еджагъэх 175 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.