Мэфэку, Гъэтхапэм и 22 2018 13:36

Къэбэртэе-Бэлъкъарым щыщ сурэтышIэхэм якъэгъэлъэгъон Мыекъуапэ къащагъ

Мыекъуапэ, гъэтхапэм и 22

Къэбэртэе-Бэлъкъарым щызэлъашIэрэ сурэтышIэхэу Мазло Руслъан ыкIи Хьалилэ Миланэ ары зиIофшIагъэхэр Адыгеим къэзыщагъэхэр. КъокIыпIэ лъэпкъхэм яискусствэ икъэралыгъо музей Темыр КавказымкIэ икъутамэу Мыекъуапэ дэтым къэгъэлъэгъоныр къыщызэIуахыгъ.

Мазло Руслъан арджэнхэр (пIуаблэхэр) ешIых. Хьалилэ Миланэ упкIэм Iоф дешIэ, ащ хэшIыкIыгъэ сурэтхэр ешIых.
Зэгъусэхэу къэгъэлъэгъоныр агъэпсыгъ.

Мазло Руслъан иарджэнхэр зэмышъогъух, сурэт зэфэшъхьафхэр, гухьарэхэр, хъырахъишъэхэр ахэтых. Ежь Руслъан къызэриIуагъэмкIэ, арджэнхэм яшIынкIэ шIыкIакIэхэр къеугупшысых, ятеплъэ зэблехъу. Къыхэгъэщыгъэн фае, пIуаблэхэмкIэ зэлъашIэрэ IэпэIасэу ГъукIэ Замудинрэ Мазло Руслъанрэ зэкъоджэгъух. Къэбэртэе-Бэлъкъарым ит псэупIэу Алтуд щыщых.

СурэтышIи 2 апэрэп Мыекъуапэ къызэрэкIохэрэр. Мазло Руслъан ящэнэрэу арджэнхэр тиреспубликэ къещэх. Хьалилэ Миланэ ятIонэрэу къэкIуагъ. Нэбгыри 2 гъэрекIо Францием щыIагъэх, сурэтышIэу Михаил Шемякиным (Къэрдэн) дэжь егъэджэнхэр щакIугъэх. Мыекъуапэ къащэгъэ къэгъэлъэгъоныр мэлылъфэгъум и I0 нэс зэIухыгъэщт.

 

mazlo2

 

mazlo3

 

mazlo4

 

mazlo5

 

mazlo6

 

mazlo7

 

mazlo8

 

mazlo9

 

mazlo10

 

mazlo11

 

Еджагъэх 227 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.