Мэфэку, Гъэтхапэм и 08 2018 13:45

"Адыгэ макъэр" къыздэкIырэр илъэс 95 хъугъэ

Мыекъуапэ, гъэтхапэм и 8

Адыгэ Республикэм ихьыкумэт (правительств) и официальнэ гъэзетэу "Адыгэ макъэр" 1923 илъэсым гъэтхапэм и 8-м апэрэу къыхаутыгъагъ. Илъэс 95 къакIоцI уахътэм елъытыгъэу гъэзетым ыцIэ пчъагъэрэ зэблахъугъэ - "Адыгэ псэукI", "Гъупчъэ-уат", "Колхоз быракъ", "Социалистическэ Адыгей". Ау апэ дэдэ ыцIагъар "Адыгэ макъ". Гъэзетым апэу зэреджэгъагъэхэм 1991 илъэсым къыфагъэзэжьыгъ.

"Адыгэ макъэр" гъогу гъэшIэгъон къыкIугъ. ТхэкIо, шIэныгъэлэжь цIэрыIо нэужым хъугъэхэм ащыщыбэхэм" Адыгэ макъэм" Iоф щашIагъ. Гъэзетым иапэрэ редакторыгъэр КIэрэщэ Тембот, ащ ыуж — Хьаткъо Ахьмэд, Лъэбыщэ Хьазиз, Барцо Хьарун, Шэртэнэ Хьамед, Андырхъое Джантэмыр, Мэрэтыкъо Рэмэзан, ХьакIэмыз Биболэт, Къуекъо Асфар, Бэгъушъэ Азэмат, ПIатIыкъо Аслъан.

Гъэзетым илъэс зэфэшъхьафхэм Iоф щашIагъ тхэкIо цIэрыIохэу Жэнэ Къырымызэ, Шъхьаплъэкъо Хьисэ, Iэшъынэ Хьазрэт, Бэгъ Нурбый, Пэрэныкъо Мурат, Лъэустэн Юсыф, Цуекъо Джэхьфар, МэщбэшIэ Исхьакъ, Пэнэшъу Сэфэр, Бэрэтэрэ Хьамидэ, Пэнэшъу Хьазрэт, Кощбэе Пщымафэ, Нэхэе Руслъан, Цуекъо Юныс.

ШIэныгъэлэжьхэу Къуныжъ Мыхьамэт, Тхьаркъохъо Юныс, ЦуукI Налбый, Бэджэнэ Мурат, Шъаукъо Аскэр, Мэрэтыкъо Къасим, АфэшIыжь Тыркубый, Мамый Руслъан яIофшIэн лъэпкъ гъэзетым щырагъэжьэгъагъ.

"Адыгэ макъэм" джы иредактор шъхьаIэр Дэрбэ Тимур. Непэ гъэзэтым икъыхэутын нэбгырэ 40 дэлажьэ ыкIи ипчъагъэкIэ 5 000 кIахьэу тхьэмафэм 5 къыдэкIы. "Адыгэ макъэр" ныдэлъфыбзэм икъэухъумэн, лъэпкъым ихэхъоныгъэхэм афэлажьэ ыкIи иджэпсалъэ: Тызэкъотмэ — тылъэш!

Сурэтхэр: www.adygvoice.ru

 

adygemaq2 

Еджагъэх 233 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.