Бэрэскэжъый, Гъэтхапэм и 07 2018 17:07

Пщынэо ныбжьыкIэхэр зэнэкъокъугъэх

Мыекъуапэ, гъэтхапэм и 6

Пщынэо ныбжьыкIэхэм яреспубликэ зэнэкъокъу ятфэнэрэу зэхащагъ. Мыщ илъэс I2 - I6 зыныбжьыхэр хэлажьэх. Мыгъэ нэбгырэ 20 къыугъоигъ. Лъэпкъ пщынэо Iэзэ дэдэу Лъэцэрыкъо Кимэ ыцIэкIэ мы зэнэкъокъур агъэнэфагъ. Адыгеим илъэпкъ артистэу Лъэцэрыкъо Кимэ псаугъэмэ ыныбжь илъэс 75 хъущтыгъэ.

ЗэкIэ зэнэкъокъум хэлэжьагъэхэм лъэпкъ пщынэхэм къарагъаIо, искусствэмкIэ кIэлэцIыкIу еджапIэхэм е колледжхэм ащеджэх. Шъхьадж мэкъэмэ заулэ къыригъэIуагъ ыкIи пщынэ еонымкIэ яIэпэIэсэныгъэ къагъэлъэгъуагъ.

Зэнэкъокъурэ кIэлакIэ пэпчъ Лъэцэрыкъо Кимэ фэдэу пщынэм къыригъэIоным кIэхъопсы. Зэнэкъокъуми ары ипшъэрылъыр - пщынэо Iазэм иIоф лъагъэкIотэныр, щысэтехыпIэ афэхъуныр арых. Лъэцэрыкъо Кимэ пщынэо къызэрыкIуагъэм, Iэмэ-псымэм псэ къыпигъакIэщтыгъ, ныбжьыкIэхэри ыгъасэщтыгъэх.

ДжырэкIэ мы зэнэкъокъур АР-м искусствэхэмкIэ икIэлэцIыкIу еджапIэ зэхещэ, культурэмкIэ министерствэр иIэпыIэгъу.

Сурэтыр: http://sovetskaya-adygeya.ru

 

Еджагъэх 231 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.