Бэрэскэжъый, Мэзаем и 14 2018 17:37

Сабыибэ зиIэ унагъохэм чIыгу Iахьхэр Мыекъуапэ щафагощых

Мыекъуапэ, мэзаим и I4

Адыгэ Республикэ. Сабыи 3 ыкIи нахьыбэ зиIэ унагъохэм чIыгу Iахьхэр аратынхэу Мыекъуапэ щырагъэжьагъ. Урысые Федерацием ихэбзэгъэуцугъэкIэ фэдэ унагъохэм чIыгу къатефэ. ЫкIи мы илъэсымкIэ чэзыум хэтхэм къатефэрэ чIыгу Iахьхэр афагощых.

Ащ пае сабыибэ зиIэ бынхэр Мыекъопэ къэлэ гъэIорышIапIэм иунэ къырагъэблагъэх ыкIи чIыгу Iахьхэм ахагъадэх.

Мыекъопэ аэропортым ичIыгухэр джы къалэм къыратыжьыгъэх, ащ унэгъо 522 апае хапIэхэр щызэтыраутыгъэх. Мыекъуапэ пэгъунэгъу псэупIэу Родниковскэм ылъэныкъокIи чIыгу хэпIэ 84 щагъэпсыгъ. Унагъохэм ахэр ары джырэкIэ афагощыхэрэр.

Сабыи 3 ыкIи нахьыбэ зиIэу чIыгу Iахьэхэр атефэхэу чэзыум унэгъо 1044 хэт. 606 апае хапIэхэр хьазыр. Джыри Мыекъуапэ икъокIыпIэ лъэныкъокIэ унэгъо Iужъухэм апае чIыгур Iахь-Iахьэу щызэтыраутыщт ыкIи агощыщт.

Мыекъопэ къэлэ администрацием къызэрэщаIуагъэмкIэ, мы илъэсым чэзыум зэкIэ хэт унагъохэм хапIэхэр аратыщтых. ЧIыгухэр нэкIых, ау ахэмэ гъогухэр, псыр, газыр аращэлIэнэуи мыгъэ зэрэрагъэжьэщтыр къэлэ пащэм къыIуагъ.

 

sabichigu1

 

Еджагъэх 139 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.