Гъубдж, Мэзаем и 13 2018 19:54

КъумпIыл Мурат сурэтышIэу Къат Теуцожь иIофшIэпIэ унэ щыIагъ

Мыекъуапэ, мэзаим и I3

Къат Теуцожь Адыгеим исурэтышIэ гъэшIуагъ ыкIи республикэм илъэпкъ сурэтышI. Ар зыщылэжьэрэ IофшIэпIэ унэм КъумпIыл Мурат еблэгъагъ. СурэтышIэм игухэлъхэр къыIотагъэх, иIофшIагъэхэр лIышъхьэм ригъэлъэгъугъэх.

СурэтшIыным илъэныкъо зэфэшъхьафхэмкIэ Къат Теуцожь Iоф ешIэ. Лъэпкъ IорыIуатэм, пшысэхэм атешIыкIыгъэу сурэтхэр етхых, адыгэ тхакIохэм ятхылъхэр егъэкIэракIэх.

Къат Теуцожь I945 илъэсым къу. Гъобэкъуае къыщыхъугъ. Краснодар дэт кIэлэегъэджэ институтым сурэтшIынымкIэ щеджагъ. Нэужым Тифлис художествэхэмкIэ Къэралыгъо Академие къыщиухыгъ.

- Республикэм илъэпкъ сурэтышIэ оры апэрэу хъугъэр, IэпэIэсэныгъэу уиIэм ыкIи уиIоф узэрэфэшъыпкъэм ар ишыхьат. Тихэгъуи, IэкIыбми уисурэтхэм тиреспубликэ ыцIэ ащагъэIу, адыгэ культурэр, тарихъыр ыкIи щыIакIэр ахэмэ яшIуагъэкIэ цIыфхэм ашIэх. Культурэм иухъумэн ыкIи ихэхъоныгъэхэм республикэ пащэхэр дэлажьэх. ТиIэпыIэгъу ущыгугъын плъэкIыщт, - ыIуагъ КъумпIыл Мурат.

Къат Теуцожь исурэтшIыпIэ унэ гъэцэкIэжьыгъэным пае IэпыIэгъу фэхъунхэу культурэмкIэ министерствэм Адыгеим ипащэ унашъо фишIыгъ. ХъызмэтшIапIэу «Газпром межрегионгаз Майкоп» игенеральнэ пащэу Арэшыкъо Руслъан зэIукIэм хэтыгъ ыкIи мы IофшIэным хэлэжьэнэу зэрэхьазырыр къыIуагъ.

Къэзытхыгъэр: adygheya.ru

 

qumplqat2

 

Еджагъэх 41 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.