Гъубдж, Мэзаем и 13 2018 08:50

Адыгэ шIэныгъэлIэу Къэрдангъушъ Зэрамыку фэгъэхьыгъэ тхылъ къыхаутыгъ

Налщыч, мэзаим и 13

ШIэныгъэлэжьэу, лъэпкъ IорыIуатэм иугъоякIоу Къэрдангъушъ Зэрамыку къызыхъугъэр мыгъэ илъэси 100 хъугъэ. Адыгэ шIэныгъэлIым фэгъэхьыгъэ тхылъэу "Жанхъуэтхьэблэ хъыбархэр" Налщыч къыщыдагъэкIыгъ. I918 илъэсым Къэрдангъушъ Зэрамыку къызщыхъугъэ къуаджэм Жанхъуэтхьаблэ ыцIагъар, джы - Псыгуэнсу.

Къэрдангъушъ Зэрамыку - этнограф, нарт эпосым, лъэпкъ IорыIуатэм, таурыхъхэм, орэдыжъхэм, IурыIупчъэхэм яугъоекIуагъ, ахэмэ афэгъэхьыгъэ тхылъ пчъагъэ къыдигъэкIыгъ. Ау исэнэхьаткIэ актерыгъ, къэбэртэе театрэм хэтыгъ, ащ пае иапэрэ пьесэ ытхыгъагъ - "Къэншъаубый ыкIи Гощэгъэгъ". 1940 илъэсым къэбэртэе театрэм щагъэуцугъагъ.

Хэгъэгу зэошхом къызекIыжьым ыуж Къэрдангъушъ Зэрамыку кIэлэегъэджэ институт къыухыжьыгъ, тхылъ тедзапIэм, шIэныгъэ институтым ащылэжьагъ. Лъэпкъ фольклорыр, эпосыр ыугъоижьыгъэх.

Къэрдангъушъ Зэрамыку 2008 илъэсым дунаим ехыжьыгъ, Адыгэ Республикэми, Къэбэртэе-Бэлъкъарыми ящытхъуцIэхэр къылэжьыгъэх.

Сурэтыр: kbrria.ru

Еджагъэх 51 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.