Блыпэ, Мэзаем и 12 2018 18:49

Адыгэ Республикэм илIышъхьэрэ "Адыгэ Хасэ - Черкесский Парламент"-м итхьэматэрэ адыгабзэм иIоф тегущыIагъэх

Мыекъуапэ, мэзаим и 12

Адыгэ Республикэм илIышъхьэу КъумпIыл Муратрэ Адыгеим щыIэ чылагъо хасэу "Адыгэ Хасэ - Черкесский Парламент" зыфиIорэм итхьэматэу ЛIымыщэкъо Рэмэзанрэ Мыекъуапэ щызэIукIагъэх. Адыгабзэм икъэухъумэнкIэ Iофхэр ары анахь шъхьаIэу зытегущыIагъэхэр.

ЛIышъхьэмрэ хэсашъхьэм хэтхэмрэ гъэрекIо зызэIокIэхэм ныдэлъфыбзэм иухъумэнкIэ шIэгъэн фаехэр агъэнэфэгъагъэх. ЕджапIэхэм ыкIи кIэлэцIыкIу IыгъыпIэхэм адыгабзэр ащызэрагъэшIэнымкIэ ащыгъум еплъыкIэхэр къыраIотыкIыгъагъэх ыкIи ахэмэ лIышъхьэм адыригъэштэгъагъ. Ахэмэ ягъэцэкIэн пае Хасэм IофышIэ куп щызэхащагъ. Ныдэлъфыбзэм изэгъэшIэн пае тхылъыкIэхэр, егъэджэн программэхэр кIэу, кIэлэцIыкIухэм апае фильмхэр ищыкIагъэх.

ЗэкIэ къулыкъоу Iофым хэщагъэхэм унашъохэр зэрафишIыгъэхэр ыкIи ахэмэ ягъэцэкIэн зэрэлъыплъэщтыр КъумпIыл Мурат къыIуагъ.

- Бзэр лъэпкъым ибайныгъ, нэмыкI лъэпкъыхэм ащкIэ къахэщы, культурэм ыкIи хабзэм ягъундж. ЕджапIэхэм адыгабзэр ащызэрагъэшIэным пае зэкIэ ищыкIагъэ амалхэр дгъэпсынхэ фаех, - къыIуагъ республикэ лIышъхьэм.

Адыгэбзэ сыхьатэу еджапIэхэм яIэхэр нахьыбэ шIыгъэнхэми, ащкIэ федеральнэ гупчэм Iоф дэшIэгъэн зэрэфаеми тегущыIагъэх.

Къэзытхыгъэр: adygheya.ru

 

Еджагъэх 369 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.