Тхьаумаф, Мэзаем и 11 2018 16:25

Хьакурынэхьаблэ апэрэ сабый къызфэхъурэ унагъохэм шIухьафтын ащыфашIы

Мыекъуапэ, мэзаим и 11

Адыгэ Республикэ. Илъэси 5 хъугъэу къоджэдэсхэм зэхащагъэу Хьакурынэхьаблэ зэхахьэ щэлажьэ. Чылэм ихэхъоныгъэхэм адэлэжьэнхэу пшъэрылъ зыфашIыжьыгъ. Джы мыгъэ щегъэжьагъэу сабый къызфэхъурэ унагъохэм адэIэпыIэщтых. Апэрэ сабый къызэрыхъухьэгъэ унагъом шIухьафтын фашIызэ ашIыщт.

Сабый къэхъугъакIэм пае IапIэхэр, щыгъынхэр ныхэм аратыщт. Зы унагъом пае шIухьафтынэу агъэхьазырырэм ыуасэ сомэ мини 10 ехъу. Апэрэ унэгъуи 3 фэдэ сабый IапIэхэр аратыжьыгъахэх.

Джырэ уахътэм тефэу къызэралъытагъэмкIэ, мыгъэ къоджэдэс унагъохэм сабый I3 къафэхъущт. Ащ елъытыгъэуи кIэлэцIыкIухэр къызыхъухэкIэ аратыщт IапIэхэр къащэфыхэзэ ашIыщт. Хьакурынэхьаблэ къоджэ псэупIэм ипащэу Аулъэ Рэщыдэ къызэриIуагъэмкIэ, унэгъо ныбжьыкIэхэм адэIэпыIэнхэу ыкIи сабыйхэр ячылэ нахьыбэу къыщыхъунхэу фаех.

Сурэтхэр: www.shovgen880.ru

 

hakurinhabl1

 

Еджагъэх 513 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.