Бэрэскэшху, Мэзаем и 09 2018 10:49

Дунаим ибэнакIо анахь лъэшхэм ащыщэу Емыж Арамбий непэ ыныбжь илъэс 65 хъугъэ

Мыекъуапэ, мэзаим и 9

Емыж Арамбий адыгэ лъэпкъым ыцIэ шIукIэ зыгъэIугъэу, щытхъу къыфэзыхьыгъэхэм ащыщ. Дзюдоист бэлахь, 1980 илъэсым щыIэгъэ гъэмафэ Олимпиадэм дзюдомкIэ джэрз медаль къыщихьыгъагъ.

1953 илъэсым мэзаим и 9 къуаджэу Аскъэлае Емыж Арамбий къыщыхъугъ. Илъэс I6 ыныбжьэу самбо бэнэным зыфигъэсэнэу ыублагъ, нэужым дзюдом фежьагъ. СССР-ми, Европэми ячемпион самбомкIи, дзюдомкIи гъогогъуитIурэ хъугъэ. Емыж Арамбий зыгъэсагъэр Кобл Якъуб ары. Кобл Якъуб дзюдомкIэ Мыекъопэ еджапIэм изэхэщакIу, я 20 лIэшIэгъум испортсмен ыкIи игъэсакIо анахь дэгъухэм ащыщ. Емыж Арамбий итекIоныгъэ шъхьаIэ I980 илъэсым къыдихыгъ. Ащыгъум гъэмафэ Олимпиадэр Москва щыIагъ. Емыж Арамбий ащ ящэнэрэ чIыпIэр къыщихьыгъагъ.

Емыж Арамбий джы ежь кIалэхэр егъасэх. ДзюдомкIэ хэгъэгум ифедерацие иIофышI, Урысыем игъэсэкIо гъэшIуагъ. Мыекъуапэ щэпсэу, лъэпкъыр рэгушхо.

 

27901486 10155763819708127 165768049 o

Еджагъэх 222 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.