Мэфэку, Мэзаем и 08 2018 19:05

Дэгъыстан сурэтышIэхэм яIофшIагъэхэр Мыекъуапэ къыщагъэлъагъох

Мыекъуапэ, мэзаим и 8

Дэгъыстан театрэхэм ащылажьэщтыгъэ сурэтышIэхэм яIофшIагъэхэр арых Мыекъуапэ къащагъэхэр. КъокIыпIэ лъэпкъхэм яискусствэ икъэралыгъо музей Темыр КавказымкIэ икъутамэ ахэр къыщагъэлъагъох. Мыекъуапэ къащагъэхэр сурэт закъохэп, шъуашэхэри, мэкъэгъэIухэри арых. Дэгъыстан театрэхэм I930 илъэсым щегъэжьагъэу 20I7 нэс ащылэжьэгъэ сурэтышIэхэм ахэр ашIыгъэх.

Сурэтхэр ыкIи шъуашэхэр I20 мэхъух. Къэгъэлъэгъонхэм апае мэкъэгъэIухэр 80 ыкIи спектакль зэфэшъхьафхэм ахэр яшыхьатых. Дэгъыстан къыращыгъэ сурэт къэгъэлъэгъоныр гъэтхапэм и 5 нэс зэIухыгъэщт. КъокIыпIэ лъэпкъхэм яискусствэ икъэралыгъо музей Темыр КавказымкIэ икъутамэ зыдэщыIэр - къ. Мыекъуапэ, урамэу Первомайская, 221.

27998947 10155762050918127 2139496197 o

 

Еджагъэх 68 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.