Блыпэ, Мэзаем и 26 2018 18:20

Шхыныгъохэм яфестивалэу Москва щыIэщтым Адыгэ ыкIи Къэбэртэе-Бэлъкъар Республикэхэм къуаехэр ащэщтых

Мыекъуапэ, мэзаим и 26

Фестивалэу «Мос/Еда!» Москва 2018 илъэсым гъэтхапэм 17 ыкIи 18 щызэхащэщт. ЗэкIэмкIи гъомылэпхъэ зэфэшъхьафэу килограмм миллиони 4,5 ащ къыращэлIэщт, ахэр зыщащэщтыхэ ыкIи къызщагъэлъэгъощтыхэ чIыпIэ мин I,5 агъэпсыщт. Москва ичIыпIэ зэфэшъхьафхэм ахэр ащыIэщтых. Гъомылапхъэу фестивалым къащэщтым инахьыбэ Урысыем къыщашIых.

Шъолъыр пэпчъ анахь зэрэцIэрыIо ыкIи зэрэзэлъашIэрэ шхыныгъохэр Москва фестивалым ыщэщтых. Адыгэ Республикэм щылажьэрэ унэгъо къоешIхэм къашIырэ адыгэ къое зэфэшъхьафэу 30 ащ ащэщт. Къэбэртэе-Бэлъкъарым къое зэфэшъхьафэу 25 ращыщт. Фестивалым къэкIощтхэм шхыныгъохэм яIэшIугъэ ауплъэкIун ыкIи ащэфын алъэкIыщт.

Фестивалэу «Мос/Еда!» апэрэу зэхащэ. Гъэтхапэм и 17 сыхьатыр 17.00 щегъэжьагъэу 20.00 нэс, гъэтхапэм и 18 сыхьатыр 08.00 щыублагъэу 20.00 нэс фестивалыр щыIэщт.

 

Еджагъэх 329 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.