Бэрэскэшху, Мэлылъфэгъум и 13 2018 14:57

"Интерралли Шъхьэгуащэ - 2018" Адыгэ Республикэм щыкIощт

Мыекъуапэ, мэлылъфэгъум и 13

Гъэтхэ спорт-зекIо джэгукIэу "Интерралли Шъхьэгуащэ - 2018" мэлылъфэгъум и 25 щегъэжьагъэу жъоныгъуакIэм и 2 нэс Адыгеим щыIэщт. РафтингымкIэ Урысыем ыкIи Адыгеим икубокхэм якъыдэхын пае мы мафэхэм зэнэкъокъущтых.

РафтингымкIэ куп лъэшхэр мы зэнэкъокъухэм къащэзэрэугъоих. Урысыем ичIыпIэ зэфэшъхьафхэм къарыкIыщт спортсмен нэбгырэ 300 мыгъэ къэкIощт.

РафтингымкIэ Адыгеим ичемпионаткIэ "Интерралли Шъхьэгуащэ - 2018" рагъэжьэщт, мэлылъфэгъум и 25 ыкIи 26 ащ пае зэнэкъокъущтых.

"Интерралли Шъхьэгуащэ" илъэс 40 хъугъэу Мыекъопэ районым щызэхащэ. Къушъхьэ псыхъо чъэрхэм хьэшъо къошъо цIыкIухэмкIэ ащесынэу фаехэр ыкIи ахэмэ алъыплъэнэу зышIогъэшIэгъонхэр мыщ щызэрэугъоих.

 

Еджагъэх 136 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.