Мэфэку, Гъэтхапэм и 29 2018 20:34

Лъэцэрыкъо Кимэ ишIэжь фэгъэхьыгъэ концерт Мыекъуапэ щыкIэщт

Мыекъуапэ, гъэтхапэм и 29

Пщынэо Iазэу Лъэцэрыкъо Кимэ ыныбжь илъэс 75 зэрэхъугъэм фэгъэхьыгъэ къэгъэлъэгъон мэлылъфэгъум и I8 Мыекъуапэ щыIэщт. Лъэцэрыкъо Кимэ Урысыем иартист гъэшIуагъ, Адыгеим илъэпкъ артист, адыгэ мэкъамэхэмкIэ IэпэIэсэ дэдагъ.

Лъэцэрыкъо Кимэ 1943 илъэсым къуаджэу Псэйтыку къыщыхъугъ. Ятэу Хьамид къэбарIотэ Iэзагъ, IорыIуатэр ытхыжьыщтыгъ, лъэпкъ культурэм джащ тетэу цIыкIузэ Кимэ хэщагъэ хъугъэ. Ышнахьыжъи, ышыпхъуи пщынэм, шыкIэпщынэм, къамылым къырагъаIощтыгъ.

Пщынэ къегъэIуакIэр Кимэ лъэгэпIэ иным нэсэу ыIэтыгъ, лъэпкъым иорэдыIо анахь цIэрыIохэм адежьыущтыгъ, илъэс I6 "Налмэсым" ипщынэуагъ.

Лъэпкъым ипщынэо цIэрыIо ишIэжь фэгъэхьыгъэ концерт джы зэхащэ. Ар къэралыгъо филармонием мэлылъфэгъум и 18 сыхьатыр 18.30 щырагъэжьэщт.

 

Еджагъэх 250 фэдизэрэ

Комментарий къытфэтх

Убедитесь, что Вы ввели всю требуемую информацию, в поля, помеченные звёздочкой (*). HTML код не допустим.