Super User

Super User

Бэрэскэжъый, ШышъхьэIум и 08 2018 13:38

Хэгъэгу джэгушхо Мыекъуапэ щыкIуагъ

ЩышъхьэIум и 7-м, хэгъэгу джэгушхоу Мыекъуапэ щыкIуагъэм фэгъхьыгъэу Адыгэ Республикэм и лIышъхьэу КъумпIыл Мурат къитхыгъэр:

Адыгэ Хасэм хэт ныбжьыкIэхэр кIэщакIо фэхъухи мыгъэ Мыекъуапэ Хэгъэгу джэгушхо щызэхащагъ. Фэдэ лъэпкъ зэхахьэхэр адыгэхэм ижъыкIэ къыщегъэжьагъэу рагъэкIокIы. Лъэшэу гушIуагъо непи мыщ фэдэ Iоф тхьабзэ дахэ тиреспубликэ игупчэ зэрэщырекIокIырэр.

Тилъэпкъэгъухэу ткъош республикэхэм, Ростов, Ставрополь, Краснодар шъолъырхэм, Москва, Санкт-Петербург къырыкIыгъэхэм анэпэмыкIэу Тыркуем, Израиль ыкIи пэмыкI къэралыгъуабэмэ ащыпсэурэ адыгэхэр Хэгъэгу джэгушхом хэтых ыкIи чанэу хэлажьэх.

Непэрэ зэхахьэр лъэпкъым изыкIыныгъэ фэлажьэрэ амалышхоу зэрэщытымкIэ щэч хэлъэп. Лъэшэу гушIуагъо ныбжьыкIэхэм тихабзэхэр агъэлъапIэу, агу етыгъэу лъэпкъым зэрэфэлажьэхэрэр.

https://www.facebook.com/profile.php?id=I000086007I49I6

 

maykop207082018

 

maykop307082018

 

maykop407082018

 

 maykop507082018

 

 maykop607082018

Гъэтхапэ мазэм, 2019 илъэсым, щы зэфэчъэнхэмкIэ дунае зэнэкъокъоу Дубай щыкIощтым текIоныгъэ къыздихыхэрэм апае ахъщэу афаугощыщтыр милион 35-рэ фэдиз хъущт. Ар дунаемкIэ анахьыбэу щы зэфэчъэнхэмкIэ ахъщэ зыщаугощырэ зэнэкъокъу. Джащ фэдэу къетхы Дубай итхьэматэу Мухьамад Бин-Ращед Алмактум ипрес къулыкъу.

Илъэсыбэ хъугъэу Дубай дунае щы зэфэчъэнхэр щэкIох. Ащ дунаем анахь щы дэгъухэр хэлажьэх. Дубай итхьэматэ икIалэу Хьамдан ищыхэри мы зэнэкъокъум хэлажьэх ыкIи апэрэ чIыпIэхэр къыдихэу къыхэкIыгъ.

Мыщ фэдэ зэнэкъокъур илъэс къэс, гъэтхапэ мазэм Арап Эмиратым хахьэрэ хэгъэгоу Дубай щэкIо.

 

dubai2

Адыгэ Республикэм и Лъэпкъ музей къыщызэIуахыгъэ къэгъэлъэгъоныр Абрэдж Альмир щыIэныгъэ гъогоу къыкIугъэм фэгъэхьыгъ. ЦIыф цIэрыIом ыгу къызытемыожьырэр илъэс хъугъэ.

museum1

Лъэпкъ музеим ипащэ игуадзэу Шэуджэн Налмэс зэхахьэр зэрищагъ. Ащ ипэублэ гущыIэ щыхигъэунэфыкIыгъ Абрэдж Альмир фэгъэхьыгъэ къэгъэлъэгъоным лъэпкъ зэфэшъхьафхэр зэрэхэлажьэхэрэр.

А. Абрэджыр 1945-рэ илъэсым шэкIогъум и 28-м Хьатыгъужъыкъуае къыщыхъугъ. 1976 – 1988-рэ илъэсхэм Сыхъум щыпсэугъ. ШIэныгъэмкIэ Абхъаз къэралыгъо музеим исекретарэу Iоф ышIагъ. 1988-рэ илъэсым Адыгеим къы­гъэ­зэжьи, хэку краеведческэ му­зеим ипащэу агъэнэфагъ.

Адыгэ Республикэм культурэмкIэ иминистрэ игуадзэу ШъэуапцIэкъо Аминэт зэхахьэм къыщи­Iуагъэм бэмэ уарегъэгупшысэ. Абрэдж Альмир музеим ипащэу зэрэщытым дакIоу, общественнэ IофышIэшхуагъ. Адыгэ Хасэм хэтыгъ, Дунэе Адыгэ Хасэм иIоф­хэм чанэу ахэлажьэщтыгъ. Адыгеир Краснодар краим къызыхэ­кIыжьым, къэралыгъо гъэпсыкIэ иIэным фэшI унэшъо хэхыгъэхэр штэгъэнхэм кIэщакIо фэхъугъ.

museum2

— Iофыр нахь зыщыкъиным гукIи, псэкIи хэтыгъ, пчэ­гум шъхьэихыгъэу иеп­лъыкIэхэр къыщиIон ылъэ­кIыщтыгъ, — хигъэ­унэфыкIыгъ ШъэуапцIэкъо Аминэт.
КъокIыпIэм щыпсэурэ лъэпкъхэм яискусствэ­хэмкIэ Къэралыгъо музееу Мыекъуапэ дэтым ипащэу Кушъу Нэф­сэт зэришэнэу, шъхьэ­ихыгъэу къэгущыIагъ. Ащ зэри­лъы­тагъэмкIэ, Абрэдж Альмир иIофшIагъэ тарихъым шIукIэ къыхэгъэнэжьыгъэн фае. Къалэм, къуаджэу зыщыщым, нэмыкIхэм ащыщ Лъэпкъ музеим ыцIэ афаусыныр тефэ.

Зэхахьэм хэлажьэхэрэр а уахътэм зэдырагъаштэу Iэгу теуагъэх, Н. Кушъум къы­Iуагъэм мэхьэнэ ин ра­тыгъ.

ШIэныгъэлэжьхэу, общественнэ IофышIэхэу МэщфэшIу Нэдждэт, Ацумыжъ Казбек, Пашътэ Мадинэ, ЦIыкIушъо Аслъан, ЛIымыщэкъо Рэмэзан, Беданыкъо Нихьад, Абрэдж Ачэрдан, нэмыкI­хэу зэхахьэм къыщыгущыIагъэ­хэм ягупшысэхэр щыIэныгъэм къыпкъырэкIых. Лъэпкъ шIэжь зиIэ цIыф лъэшэу, зэкъошныгъэм игъэ­пытакIоу, гукIэгъу зыхэлъ IофышIэшхоу А. Абрэджыр щытыгъэу алъытагъ. Тхылъ къыфыдагъэкIыщтми, исурэтхэр зыдэт альбом фашIыщтми зэхэщакIохэм IэпыIэгъу афэхъунхэм фэхьазырых.

Лъэпкъ музеим щылажьэхэрэм ацIэкIэ МэфэшIукъо Щангулэ зэ­ха­хьэм хэлэжьагъэхэм «Тхьашъуе­гъэпсэу» къариIожьыгъ Альмир лъытэныгъэ ин зэрэфашIырэм фэшI. А. Абрэджым иIахьылхэри зэхахьэм къыщыгущыIагъэх.
Музеим ия 3-рэ къат къыщызэIуахыгъэ къэгъэлъэгъоным А. Абрэджым ипсэукIэ щыIэныгъэм епхыгъэу зэрэщытыгъэр IупкIэу къеIуатэ. ИкIэлэгъум, иныбджэ­гъухэм, Адыгэ Республикэм икъэ­ралыгъо гъэпсыкIэ игъэпы­тэн, Адыгэ Хасэм хэтэу зэIукIэгъухэм зэрахэлажьэщтыгъэм, фэшъхьаф­хэм икIэрыкIэу уяплъы. Тхылъхэр, журналхэр, гъэзетхэр — ахэри тарихъым иIотакIох.

Къэгъэлъэгъоныр къэзыгъэбаирэр А. Абрэджым иIофшIакIэ зэпхыгъэ едзыгъор ары. Столым тхьапэхэр, тхылъхэр, тутыныр, фэшъхьафхэри телъых — ищыIэныгъэ зытетыгъэр къагъэлъагъо.

Абрэдж Альмир ышыпхъоу Зарэ, ыпхъоу Саидэ, Альмир икъорэлъфэу Инал, фэшъхьафхэм гущыIэгъу тафэхъугъ. ЦIыф цIэ­рыIоу зэрэщытыгъэм уасэ фашIызэ, зэряIахьылым гукIэ къыфагъэ­зэжьы, исурэт кIэлъырытхэу гуп­­шысэхэм зэлъаштэх…

Къызхэтхыгъэр: adygvoice.ru

 

Абрэдж Алмир фэгъэхьыгъэ гукъэкIыжь къэгъэлъэгъон

Адыгэ Республикэ, Мыекъуапэ, лъэпкъ музей.

01.08.2018, сыхьатэ 15.00.

Урысые Федерацием и Президентэу Владимир Путиным Урысые Федерацием и Къэралыгъо Совет и Президиум зэхъокIыныгъэхэр фишIыгъэх. Урысые Федерацием и Президент иунашъо диштэу Адыгэ Республикэм и ЛIышъхьэу КъумпIыл Мурати, хэгъэгум ишъолъыриблымэ япащэхэри ащ хагъэхьагъэх.

Урысые Федерацием и Къэралыгъо Совет и Президиум хагъэхьагъэх Адыгеим и ЛIышъхьэ, Дагъыстан, Бурятием ялIышъхьэхэр, Калининградскэ, Челябинскэ, Тульскэ, Сахалин хэкухэм, Перьмскэ краим ягубернаторхэр.

Урысые Федерацием и Къэралыгъо Совет ипшъэрылъ шъхьаIэр Урысые Федерацием и Президент къэралыгъо хабзэм икъулыкъухэм зэдиштэу Iоф ашIэнымкIэ ипшъэрылъ язехьанкIэ IэпыIэгъу егъэгъотыгъэныр ары. Урысые Федерацием и Президент ары Къэралыгъо Советым и Тхьаматэр. Къэралыгъом ипащэ Къэралыгъо Советым и Президиумэу псынкIэу Iофыгъохэр зэшIохыгъэнхэм фытегъэпсыхьагъэм хэтхэм игъорыгъозэ зэхъокIыныгъэ афешIы.

Адыгэ Республикэм и ЛIышъхьэ ипресс-къулыкъу

Къызхэтхыгъэр: adygheya.ru

 

Адыгэ лъэпкъым чIэнэгъэшхо ышIыгъ. Адыгэ шIэныгъэлэжьэу, лъэпкъ IофышIэу, тхакIоу Шъхьэлэхъо Абу илъэс 89-м итэу идунай ыхъожьыгъ.
•••
Адыгэм идунай щызэлъашIэу, лъытэныгъэшхорэ шъхьэкIэфэныгъэ инрэ къэзылэжьыгъэ Шъхьэлэхъо Абу илъэпкъ игумэкIкIэ щыIагъ, шIэныгъэу зэригъэгъотыгъэр ащ фигъэлэжьагъ.
•••
Илъэс 45-м итэу Абу филологическэ шIэныгъэхэмкIэ доктор, илъэситIукIэ нахь кIасэу профессор хъугъэ. Илъэс 60-м ехъурэ гуманитар ушэтынхэмкIэ АР-м иинститут щылэжьагъ.
•••
Тхылъ 30, статья 400 Абу ытхыгъ, адыгабзэмрэ адыгэ литературэмрэ язэгъэшIэн нахьышIу шIыгъэным тегъэпсыхьагъэу IофшIэгъабэ къыдигъэкIыгъ, егъэджэн тхылъипшI пчъагъэмэ яавтор.
•••
Адыгэ Республикэм иполитическэ щыIакIи Шъхьэлэхъо Абу иIахь хэлъ. Теуцожь, Мыекъопэ районхэм яхэбзэгъэуцу къулыкъухэм, республикэм и Апшъэрэ Совет ядепутатыгъ, Адыгэ Республикэм и Конституцие дэлэжьагъэхэм ыкIи зыштагъэхэм ащыщ, общественнэ-политическэ организациеу «Адыгэ Хасэр» зэхащэным икIэщакIохэм ащыщ, илъэси 7-рэ ащ ипэщагъ.
•••
ГухэкIышхо тщыхъоу Шъхьэлэхъо Абу иIахьылхэм чIэнагъэу афэхъугъэмкIэ тафэтхьаусыхэ. Тхьэм Джэнэт лъапIэр къырет...

Адыгэ Макъ - facebook.com

 

Тигу къеоу Шъхьэлэхъо Абу игупсэхэм тафэтхьаусыхэ. ЗдэкIуагъэм тхьэм гупсэфэу щешI.

adyg-afisha.ru

ЗэлъашIэрэ археологэу Тэу Аслъан ыныбжь илъэс 70-рэ зэрэхъугъэм фэгъэхьыгъэ къэгъэлъэгъон Адыгэ Республикэм и Лъэпкъ музей тыгъуасэ къыщызэIуахыгъ.

Музеим ипащэу Джыгунэ Фатимэ зэфэхьысыжь гъэшIэгъонхэр ышIыхэзэ, Тэу Аслъан лъэпкъ искусствэм лъэужэу къыщигъэнагъэм дунэе мэхьанэ иIэу ылъы­тагъ.
— Илъэс 30-м къехъугъэу Тэу Аслъан синэIуас, — къыIуагъ археолог ыкIи сурэтышI цIэрыIоу, шIэныгъэлэжьэу ЛэупэкIэ Нурбый. — Пкъыгъоу къыгъотыхэрэмкIэ адыгэхэм яблэкIыгъэ уахътэ къе­гъэлъагъо. Тэу Аслъан адыгэ лъэпкъым ицIыф лъэшэу щыт.

— Тарихъыр ныбжьыкIэхэм ашIэнымкIэ Тэу Аслъан IофшIэгъэшхо иI, — къыщиIуагъ зэхахьэм республикэ общественнэ движениеу «Адыгэ Хасэм» итхьаматэу ЛIымыщэкъо Рэмэзан. — ШIэныгъэлэжьэу зэрэщытым дакIоу, илъэсыбэ хъугъэу ти Хэсашъхьэ хэт, лъэпкъ гупшысакIэу иIэр щысэшIу тфэхъу.

КПРФ-м и Мыекъопэ къэлэ комитет иапэрэ секретарэу Елена Москаленкэр А. Тэум къыщытхъугъ. Партием хэтэу общественнэ пшъэрылъхэр зэригъэцакIэхэрэм фэшI лъэшэу къызэрэфэразэр хигъэунэфыкIыгъ.

А. Тэур зыщапIугъэ къуаджэу Тэуйхьаблэ къикIыгъэхэр, иIа­хьылхэр зэхахьэм хэлэжьагъэх. Аслъан ышыпхъоу Сарэ Iоф­тхьаб­зэм къэкIуагъэхэм лъэшэу зэрафэразэр зэхахьэм къыщи­Iуагъ.

Адыгэ Республикэм лъэпкъ IофхэмкIэ, IэкIыб къэралхэм ащыпсэурэ тилъэпкъэгъухэм ады­ряIэ зэпхыныгъэхэмкIэ ыкIи къэ­бар жъугъэм ималхэмкIэ и Комитет итхьаматэу Шъхьэлэхъо Аскэр зэхахьэм хэлажьэхэрэм гущыIэгъу афэхъугъ. Адыгэ лъэпкъым итарихъ зэгъэшIэгъэнымкIэ А. Тэум къыгъотыгъэ пкъыгъо­хэм цIыфхэр агъэгъуазэх. Ащ фэдэ цIыф цIэрыIохэм республи­кэм ыцIэ искусствэм лъагэу зэрэщаIэтырэм А. Шъхьэлахъор къытегущыIагъ.

«ЧIыгум чIэлъыр къэзышIэрэр» цIэу зыфашIыгъэ къэгъэлъэгъоныр зыгъэхьазырыгъэмэ ащыщ Лъэпкъ музеим археологиемкIэ иотдел ипащэу Елена Черных. Лъэпкъ шIэжьым хэхъоныгъэ ышIынымкIэ А. Тэум фэдэ цIыфхэм яIофшIагъэхэм Е. Черных осэ ин афи­шIыгъ.

Улэ Iуашъхьэхэм, псым ычIэгъ хъугъэ къуаджэхэм янэпкъхэм, нэмыкIхэм А. Тэур ащытIагъ. Аслъан иIофшIакIэ къэзыIотэрэ сурэтхэр, къыгъотыгъэ пкъыгъо лъапIэхэм ащыщхэр музеим къы­щагъэлъагъох.

А. Тэум иIофшIагъэ зыгъэлъа­пIэхэу СтIашъу Юрэ, Шъхьап­лъэкъо Къэсэй, Къэзэнэ Юсыф, Къуекъо Асфар, ЕмтIылъ Юсыф, Сулейман Фатимэ, Iэтэжьыкъо Фатимэ, Сихьаджэкъо Иринэ, Бэгъушъэ Алый, Къуижъ Къэп­лъан, нэмыкIхэм язэфэхьысыжьхэр щыIэныгъэм къыпкъырэкIых. А. Тэум къыфэгушIуагъэхэм «тхьа­шъуе­гъэпсэу» къариIожьыгъ.

Сурэтхэр музеим къыщытетхыгъэх.

ЕмтIылъ Нурбый

adygvoice.ru

 

Бэрэскэжъый, Бэдзэогъум и 18 2018 14:34

07.08.2018 - Адыгэ хэгъэгу джэгушхо Мыекъуапэ щыкIощт

Адыгэ хэгъэгу джэгушхо

ЗыщыкIощтыр: Адыгэ Республикэ, къалэу Мыекъупэ ихатэ-парк.

Хэлэжьэщтых: Адыгеим, Къэбэртаем, Щапсыгъэм, Черкесск, Ростов, Краснодар, Армавир, Мэздэгу, Москва, Пятигорск (псыфабэ), Петрбург, Тыркуем, Иорданием, Сирием, Израил, Европэм ащыщ кIалэхэр пщъашъэхэр.

07.08.2018, сыхьатэ 18.00.

Къушъхьэ лъэс зэфачъэхэу "Скайраннинга"-рэ "Трейлраннинга"-рэ (Sky Race)

Къэрэщай-Черкес Республикэ, къушъхьэ зэхэт чIыпIэу Архыз.

2018 илъэсым, бэдзэогъу (07) мазэм икIэм.

Скайраннинга: 2000 метр зилъэгагъэ чIыпIэхэм лъэс зэфачъэ щыпшIыныр ары.

Трейлраннинга: ЧIыопсым лъэс зэфачъэ щыпшIыныр ары.

Къызхэтхыгъэр: kavtoday.ru

Къэгъэлъэгъоным ицIэр: Кино Чэщ

Адыгэ Республикэ, Мыекъуапэ ихатэ-парк.

25.08.2018, сыхьатэ 20.00.

Къызхэтхыгъэр: adigea.aif.ru

Страница 4 из 30